坐月的日子

心裡常常想：
除了中國人之外，有沒有其他民族是有坐月這回事既呢？
是不是全世界的媽媽生完仔，也不可洗頭沖涼同用生水洗手既呢？
點解坐月唔可以出街？攪到坐牢咁！
坐月呢樣唔做得果樣唔食得，引發產後抑鬱症的比率係咪會大增呢？
D 人話坐月婆要好好休息，最好唔好落床，試問餵奶兩小時一次，可以點樣好好休息呢？

朋友結論係：「坐月坐到人都癲！」

我還有數天便坐完月！最令我困擾是休息不夠！餵人奶，埋身餵，冇得瞓！當精神不好，自然心情煩燥！而且新手媽媽每一樣有關BB的事也很擔心，屁股有尿疹、臉上長粒粒、吃奶時瞓覺、半夜扭計喊拆天、嘔奶又吐奶⋯當媽媽的我精神緊張呢！

所以決絕如我—坐月期間謝絕探訪！不論家人和朋友，請給我休息和調整的空間！加上臭蚊蚊的我不想招呼朋友！

之前連電話也不接，只有Facebook & what apps 溝通吧！進入第三星期後，各方面好多了！尤其是我的精神好些，可以開始用電話與朋友溝通呢！

不過傻傻的，不論多辛苦，只要看著小寶寶，就會覺得很愉快，時間就溜走了！
有時候，更不捨得她長大得這麼快呢！：）

今天是我們結婚三週年紀念，今年多了一舊B！多神奇！

坐月遇上結婚週年，有我喜歡的甜心們！

BB的腿踏著我的腿！很梳乎！